ممكن تقفلوا ^ـ^البابــــ


من فضلكم اقفلوا البابـــــ

وياريت لو تقفلوه بالمفتاح والترباس:)

السلام عليكم ورحمة الله وبركاته

أخى أختى ,

هل حضراتكم لسه فاتحين الباب ؟؟؟

باب إيه اللى إنتى بتتكلمى عليه؟؟

الباب ؟؟

يقول الله تعالى في الحديث القدسي:” ضرب الله مثلاً صراطاً مستقيماً وعلى حافتي

الصراط سوران وعلى الأسوار أبواب وعلى الأبواب ستور مرخاة وعلى رأس الصراط داعٍ

يقول: أدخلوا ولا تعوجوا ومن جوف الصراط داعً يقول: لكل من اقترب من الباب إياك أن

تفتحه إنك إن تفتحه تلجه”

يعنى إيه ؟؟

وإيه الكلام اللى إنتى بتقوليه ده

يعنى زى مارسول الله صلى الله عليه وسلم قال وشرحه

الصراط المستقيم>>>>> دين الإسلام.

السوران>>>>> حدود الله.

الأبواب>>>>> محارم الله.

الداعي الذي على رأس الصراط>>>>> القرآن.

الداعي الذي في جوف الصراط >>>>> واعظ داخل الإنسان.

أيوة ….

هو ده الباب اللى إحنا لسه كلنا مقفلنهوش رغم إننا داخلين على رمضان

أبواب كتير كلنا عارفينها.. مصدر كبير جداً للفتن زى التليفونات والإختلاط وأخيراً وأسوأهم فى نظرى الإنترنت وخاصة الشات بأشكاله سواء شات منتدى أو ماسنجر او فاس بوك …الخ

عارفين ليه أسوأهم فى نظرى ….

لأنه طريق سهل أوى للشيطان وباب كبير يدخلك منه

وخاصة- أنا حزينة وأنا بقول كده- خاصة (الملتزمين)

يمكن كلامى يكون صريح شوية ويمكن أنا نفسى بقع وأقوم وكلنا كده

وأنا بكتب النوت الشيطان حاول بكل الطرق يخلينى مكتبهاش عشان أنا كنت هتناول فيها كل حاجة بصراحة

حاول يقلى طيب لما تلاقى أى حد بيغلط شاب أو شابة انصحيهم أحسن لوحدهم بدل الفضايح دى

وبردو حاول يقلى يعنى إنتى هتدخلى فيهم شمال وإنتى ستنا الشيخة مبتغلطيش يعنى !!!!

وحاول يقلى { يَا أَيُّهَا الَّذِينَ آمَنُوا لِمَ تَقُولُونَ مَا لاَ تَفْعَلُونَ كَبُرَ مَقْتًا عِنْدَ اللَّهِ أَنْ تَقُولُوا مَا لاَ تَفْعَلُونَ }.

بس لحد إمتى هنفضل نشوف بعض بنغلط ومنقلش لبعض!!!

عن أبي هريرة _رضي الله عنه( قال: قال رسول الله __: “المؤمن مرآة أخيه”

أنا بغلط

وحضرتك بتغلط

وحضرتِك بتغلطى

أكيد طبعا

والصحابة نفسهم فيهم غلطوا

ومحدش معصوم غير رسول الله صلى الله عليه وسلم

لكن والله والله أحدثكم من ماوجدت من أثر للفتن سلبى جداً على الملتزمين

وعلى غيرهم

أحدثكم وأنا أستشعر هذا الحديث بكل حواسى

عن أبي موسى رضي الله عنه عن النبي صلى الله عليه وسلم قال (المؤمن للمؤمن كالبنيان يشد بعضه بعضا) رواه البخاري ومسلم وزاد البخاري (وشبك بين أصابعه)

وعشان المفروض

مثل المؤمنين في توادهم، وتراحمهم، وتعاطفهم، كمثل الجسد الواحد، إذا اشتكى منه عضو، تداعى له سائر الجسد بالحمى والسهر»

وعشان كارثة لما الملتزمين يفتنوا بعضهم والمصيبة الأكبر كمان يفتنوا غير الملتزمين وفى ظنى إنهم مش -واخدين بالهم -بس زى ما الصحابة كان فيهم ناس بتغلط كان فيهم ناس أسود كان فيهم ناس شايفين هدفهم وماشيين بأقصى سرعة ليه من غير مايبصوا على الفتن

مسمعتش أنا عن صحابى ارتبط ارتباط غير شرعى ولا ادلع على بنت

مسمعتش أنا عن صحابية بتدلع فى كلامها وكتابتها

أنا بتوجع لما أشوف ناس ربنا من عليها فعلا بحاجات جميلة جداً ونادرة جدًا وتتهاون فى أمور صغيرة جدًا

ليه ياجماعة وإحنا أكتر ناس عارفة قيمة ربنا

بردو ساعات نصمم نجعل ربنا أهون الناظرين إلينا

أيوة

إحنا اكتر ناس ربنا كرمها بحبه ومعرفته

وبردو

أكتر ناس بنجعله أهون الناظرين إلينا

ولما نعمل ذنب صغير وإحنا فاهمين هنبقى جعلنا الله أهون الناظرين إلينا أكتر كمان من اللى ميعرفهوش

قال رسول الله:” ارحموا ترحموا واغفروا يُغفر لكم ويل لأقماع القوم ويل للمصرين الذين

يصرون على ما فعلوا وهم يعلمون”

إن شاء الله كلنا مش من الناس اللى بتصر على الذنب

إن شاء الله نكون أسود

إن شاء الله منزلش تانى قدام الناس جهراً وإحنا ملتزمين لأن كل واحد فينا بيمثل فئة عريضة جدااااااا ولازم يخلى باله علشان منفتنش غير الملتزمين بإنهم يتبعونا فى ضلالة وهم فاهمين إننا صح

أو تحبط أعمالنا

أو نخليهم يقولوا شوفوا الملتزمين أهو بيعملو كذا كذا …ونجعلهم بدل ميبصلنا على إننا ثابتين لا نخشى فى الحق لومة لائم أسود

إننا مذبذبين وشبهم أصلا فى حاجات كتير

ولا حول ولا قوة إلا بالله العلى العظيم اللهم ردنا إليك ردًا جميلا

وأحينا حياة ترضى بها عنا كيف تشاء بالوجه الذى يرضيك

ربنا بيشتقلنا رغم إننا بنعصيه وبيصطفينا رغم أننا جاحدين لكثير من نعمه يارب تب علينا واغفر لنا

يارب كلنا نريد التوبة قبل رمضان فمن بها علينا واعصمنا من شر الفتن ماظهر منها ومابطن

سبحانك اللهم إنا ظلمنا أنفسنا فاغفر لنا فإنه لا يغفر الذنوب إلا أنت

على قدر عطـ♥ـائڪ … يفتقـ♥ـدڪ الآخرون…لا تنســى // إذا أتيـت مڪـان .. اتـرڪ بصمــہ ( رائعــہ )ثم غـادر

اللهم اجعلنا ممن يتركون بصماتــــ على انتصارات هذا الدين وقلوب أحبتك يارحمن يارحيم اللهم آمين

ــــــــــــــــــــــــــــــــــــــــــــــــــ ـــ

أشكال من الفتن على الفاس بوك :

أغلبنا والحمد لله داخل عاقد النية على إن صفحته دى بإذن الله عداد حسنات ليه بعد مايموت

وتبدأ الفكرة تكبر فى دماغه وتبدأ الناس عنده تكتر

ويبقى عامل قوانين لنفسه الأول بعضنا بيعملها وبعضنا لا

زى عدم إضافة الجنس الآخر

او إضافة الجنسين لكن يكونوا بشروط معينة زى ميكنش على صفحتهم صور فاحشة أو اغانى أو إلخ

….الخ وغيرها من القوانين

او إضافة أى حد ودى مصيبة

وهنا فى كذا باب إتفتح

أولهم لو إنتى بنت وبتضيفى أى بنت وخلاص ممكن تكون حاطة صورة وحشة وصفحتها نفسها ربنا يعافينا كلها لا تعبر عن هويتنا إطلاقا

وممكن أى اخ يشوفلك أى نوت دعوى وييجى يرد عليكى يلاقى الأخت إياها ردت عليكى بالصورة إياها

وغض البصر طبعا صعب على الإنترنت لأنو هيبص فين غير للشاشة؟؟!!!!!!

هنا أكيد لو زل أو ضعف أو مغضش بصره واتسبب ده فى ضعف قلبه وطاعاته , كل ده فى ميزانك أنتى وعشان كده يفضل مضفيش بنات مش شبهك

هتقوليلى بس إحنا هدفنا الدعوة وربنا و …

هقلك تمام بس بردو فى قاعدة فى غاية الاهمية لا ضرر ولا ضرار وكمان منتى سايبة صفحتك مفتوحة للجميع

انتى ضامنة متموتيش بكرة الصبح وتفضل هيا تحطلك على صفحتك اغانى وكلام فى اى كلام ؟؟

لا طبعا

تانى حاجة لو حضرتك شاب ملتزم

ليه حضرتك حاطط صورتك؟؟؟

هتقلى هو حضرتك هتحجبينا كمان ولا إيه

بصوا ياجماعة لو كلامى باين صعب ومصعباها أنا بتكلم من أرض الواقع من كلام سمعته من ملتزمات وغير ملتزمات من قلوب اتكسرت وناس انتكست بسبب الذنوب الصغيرة جدا جدا دى

ومن المشاكل اللى بتروح للدعاة

أنا بكلمكم مش بحاجات حساها

بكلمكم بحاجات لمساها

فى ناس فتنت بصورة الأخ اللى حططلنا صورته

وفى شباب فتنوا بسبب الصورة المحجبة اللى حضرتك حطاها

لأن إحنا كده مش بنساعد بعض على غض البصر

أيوة

لما حد يعدى من جمبى فى دقيقة سهل أحط وشى فى الأرض

لكن لما أبقى قاعدة على النت او انتى او حضرتك قاعد على النت

والشيطان والنفس وأنت والصورة

والإيمان يزيد وينقص

عايزين نتقى الله على قد منقدر علشان منعملش ذنوب كتير صغيرة جدا تهلكنا وتحبط أعمالنا الجميلة جدا اللى ربنا من علينا بيها

فى ناس والله فتنت والله مش من خيالى فيها إيه لو سبنا حاجات لوجه ربى وربكم حبيبكم حتى من باب الحيطة حتى من باب (الذين يستمعون القول فيتبعون أحسنه )

دكتر حازم قال مرة فى درس مجرد علاقة بريئة

لما ربنا يرفعك على جبل عالى فووووووووووووووق تقوم إنت ناطط وتنتحر بسبب ذنب صغير

؟؟؟؟

قال تعالى ..بسم الله الرحمن الرحيم

إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ

واااااااااااه والف اااااااااااااااه لو احنا كمان بنعمل كده وإحنا مش واخدين بالنا هنتصدم يوم القيامة هنتصدم وأعمالنا كلها بتحبط

قال صلى الله عليه وسلم: “إياكم ومحقرات الذنوب ، فإنهن يجتمعن على الرجل حتى يهلكنه ، كرجل كان بأرضٍ فلاةٍ فحضر صنيع القوم ، فجعل الرجل يجيىء بالعود، حتى جمعوا من ذلك سواداً وأججوا ناراً فأنضجوا ما فيها (صحيح الجامع2687) .

سلم يارب سلم

ياجماعة أنا ملقتش صحابى من الصحابة بيرد على كوزس وصور ملهاش لازمة بتاعة بنات

ملقتش صحابية بتتمايع وبتدلع

آه كان بيذنبوا بس ذنوبهم كانت تتعد وكانوابيحاسبوا نفسهم حساب عسير مكنوش أبدا بيعاملوا ربنا زينا

مكنوش رغم إن إيمانهم من أقوى الإيمان على وجه الأرض بيأمنوا مكر الله

قال أنس (رضى الله عنه ) يوماً لباقة من خيار القرن الأول : إنكم لتعملون أعمالاً هى أدق في أعينكم من الشعر إن كنا لنعدها على عهد رسول الله صلى الله عليه وسلم من الموبقات – أي المهلكات

:(((((

سيدنا أبو بكر كان لو وزن إيمانه بإيمان الأمة لرجح إيمانه

سيدنا أبو بكر اللى ربنا قال عنه رضى الله عنهم ورضو عنه

سيدنا أبو بكر اللى الله سأل الرسول عن طريق جبريل هل يرضى عن الله

سيدنا أبو بكر كل ده

وكان مش واثق أنه لو قدم فى الجنة وقدم براها أنو خلاص دخلها

الرسول صلى الله عليه وسلم اتحمل القاذورات على ضهره علشانا

والحديد فى وجهه فى غزوة أحد علشانا

وإحنا مش عارفين نعمل كونترول على نفسنا ونلغى الشات مع الجنس الآخر

وإحنا مش عارفين منردش على الجنس الآخر فى الحاجات اللى ملهاش لازمة

وافتكروا قول رسول الله صلى الله عليه وسلم

قال: ” من دعا إلى هدى كان له من الأجر مثل أجور من تبعه، لا ينقص ذلك من أجورهم شيئا،ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئاً “،

يعنى إيه لما حد من الجنس الأخر يبقى زعلان أهون عليه أنا بمناسبة إيه؟؟؟

ولو الحد ده قريبك ولا حبيبك ولا الخ

وهيا الناس تعرف ؟؟؟

وأصلا هيا صلة القرابة تسمح بده

وأصلا لو حد بيحب حد بجد هيخاف عليه من الذنوب وهيبعد عنه

هسألكم سؤال صغير أوى؟؟

لو حضراتكم متزوجين أو غير

ومن الله عليكم بالأزواج الصالحين إن شاء الله

لو زوجك أو زوجتك انتو بتحبو بعض

وهيا بتغير

وقالتلك بص متردش على بنات

بصى شيلى الولاد اللى عندك وانتى فعلا بتحبيه هتعملى ايه؟؟؟

أنا متاكدة إنك ساعتها هتعملى كده

طيب لو الرسول قاعد جمبنا دلوقتى

وبص على صفحة كل حد فينا هتبقوا مبسوطين؟؟

بص على كومنتاتنا على بعض

طيب مش من باب أولى نعمل اللى ربنا يحبه

ربنا بيغار ياجماعة

الرسول صلى الله عليه وسلم أقسم بأنه أغير من غيرة سعد والله أغير من غيرته وغيرة سعد

ليه ياشباب مش بتغيروا على أخواتكم المسلمات إيه اللى حصل

ليه يابنات مش بتغيروا على أخواتكم الشباب

لو غيرتم صدقاً كلنا هنتقى الله فى بعض ساعتها

ياجماعة أنا مش عايزة أقول للشباب متخضعوش بالقول انتم كمان(بس يعنى لما ولد ومتدين يعد يدلعلى فى بنت ويقلها انتى كيوت وانتى طيبة وانتى ….الخ )ده اسمو ايه غير خضوع بجد انا مش عارفة

لو مشكلتكم إن البنات فتنة؟؟

وفعلا

قال رسول الله صلى الله عليه وسلم: (ما تركت بعدي فتنة أشد على الرجال من النساء) أخرجه البخاري ومسلم. ففتنة النساء أشد من جميع الأشياء. …

فقلوب النساء اللى الشاب ممكن يفتنها من أرق الأشياء

زى الإزاز بالظبط

ممكن تتكسر بكلمة من حضرتك فيها مديح ليها

رفقا بالقوارير

ممكن حد تانى يشوف ردك على واحدة بنت يفتكر أن ده صح ويقلدك

أنا مبقلش متردوش

بقول ردو بحزم

مش ضرورى يعنى كل الناس تعرف إنك ملتزم

وحنين

وحبوب

والخ

لا عايزنهم يعرفوا انك ملتزم أسد ملتزم مبقلش متكلمهش بالحسنى لكن فى فرق بين الحسنى والرفق وبين الدلع والمديح

الرفق أقول أعزكم الله بيض الله وجوهكم الخ

والدلع حضراتكم عارفينه

مش ضرورى كل الناس تعرف انك ملتزمة دمها خفيف وطيبة وكيوت

لا مش ضرورى

عايزنهم يعرفوا انك ملتزمة رااااااااااااااااااااااااجل

ليــــــــــــــــــــــــــــــــــــــــــــــــ ــــه جعلنا الله أهون الناظرين إلينا ياملتزمين

ليــــــــــــــــــــــــــــــــــــــــــــــــ ـــــــه

حد يقلى ليـــــــــــــــــــــــــــــــــــــــه

إيه اتعودنا على عطائات ربنا

إتعودنا اننا نستهون بزعله وبردو نفضل نشتغل عنده؟؟؟؟

لا …إحنا ممكن نستبدل

لا احنا للأسف معدناش رجالة

يعنى إيه انتى ملتزمة ومرتبطة ارتباط غير شرعى

لو اتفتنتى وحبيتى فقلبك مش بإيديك بس اجرى بعيد عن كل مواطن الفتنة دى مش تحطى نفسك قدامها ليل نهار وتقولى زليت وضعفت ومش قادرة؟؟!!

يعنى إيه واحد ملتزم يرتبط ارتباط غير شرعى

إيه ياجماعة هو إحنا خلاص قلوبنا بقت حجر وضامنين نفسنا أوى كده

اتقهرت لما شوفت كومنتات لأخوة على بنات فى حاجات مش ضرورية بالمرة حاجات لعبة وأسئلة شخصية ومش عايزة أقول

أقول إيه بس؟؟

اتقهرت لما شوفت صفحات بنات المفروض ربنا من عليهم بمعرفته لكن الصفحة ……!!!!!!!!!!!

كلنا بنزل

وبنغلط

بس يالا بقى نتوب

يالا بقى نتوب

أنا لو زعلت أوى فزعلت علشان شايفاكم أغلى من كده وأفضل من كده وشيفاها غلطات مش مقصودة إن شاء الله

بالله عليكم لا تجعلوا الله أهون الناظرين إلينا

بالله عليكم ارفعوا شعار كلنا يحيى

يايحيى خذ الكتاب بقوة

ربنا كريم وأنا واثقة من إن ربى هيتقبل توبتنا كلنا الآن بس عايزين نبقى رجالة

عايزين نروح لربنا وقلوبنا وجلة زى الصحابة رضوان الله عليهم

عَنْ أُمِّ المُؤْمِنِينَ عَائِشَةَ رَضِيَ الله عَنْهَا قَالَتْ:

سَأَلْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ عَنْ هَذِهِ الْآيَةِ:

“وَالَّذِينَ يُؤْتُونَ مَا آتَوْا وَقُلُوبُهُمْ وَجِلَةٌ”

…: قَالَتْ عَائِشَةُ: أَهُمْ الَّذِينَ يَشْرَبُونَ الْخَمْرَ وَيَسْرِقُونَ؟

قَالَ: “لَا يَا بِنْتَ الصِّدِّيقِ

وَلَكِنَّهُمْ الَّذِينَ يَصُومُونَ وَيُصَلُّونَ وَيَتَصَدَّقُونَ وَهُمْ يَخَافُونَ أَنْ لَا يُقْبَلَ مِنْهُمْ،

أُولَئِكَ الَّذِينَ يُسَارِعُونَ فِي الْخَيْرَاتِ”.

رواه الترمذي وصححه الألباني

عايزين نتوب وإحنا على يقين من إن خلاص اتغفرلنا كل ذنوبنا ياااااااااااااااااااااه ياكرمك يارب مش عارفين من غيرك كنا نروح فين ولمين ونعمل إيه شوفوا هو كريم قد إيه

• يقول الله تبارك وتعالى في الحديث القدسي

((يا ابن آدم إنك ما دعوتني ورجوتني غفرت لك على ما كان منك ولا أبالى يا ابن آدم لو بلغت ذنوبك عنان السماء ثم استغفرتني غفرت لك يا ابن آدم لو لقيتني بتراب الأرض خطايا ثم لقيتني لا تشرك بي شئ لأتيتك بترابها مغفرة

اشكروه بالتوبة والحمد على مغفرته وكرمه واستعينو به ومتسمعوش كلام الشيطان اللى كلو بيأس وبس

استعينوا بالله ولا تعجزوا

يالا نتوب بسرعة ..وأنا متكلمتش بحرقة إلا علشان أنا عايزة المسلمين يبقو فى أحسن حال لكن أنا أبدا ماأشوف حد فى نظرى صغير بذنبه لأنى أنا كمان بعمل ذنوب زى كل البشر ربنا يعزكم ويرضى عليكم ويتوب علينا وعليكم يارب

ياشباب اللى مترضهوش لأخواتكو وزوجاتكو مترضهوش لأى بنت تانية مسلمة حتى لو فى نيتك الزواج بيها

فدقة بدقة

ولو زدت لزاد الساقة

أعلم أن كل خطأ يبدأ بخاطرة فقاوم الخاطرة السيئة،

فإن لم تفعل صار إرادة فقاومها

،فان لم تفعل صارت فعلاً فقاومه،

فإنك ان لم تفعل صارت عادة يصعب عليك تركها،

فمقاومتها في بدايتها أفضل

رفقا بالقوارير

رفقا بالقوارير

رفقا بالقوارير

كلنا خطائين

وخير الخطائين التوابون

يالا نتوب ونعزم ونتوكل

ونقفل الباب بالمفتاح والترباس ونرميهم بعيد

مفتاح الطاعة

وترباس معية الله والصدق

ونرمى همومنا للى أكرم مننا كلنا

اللهم أغننا بحلالك عن حرامك وبفضلك عن من سواك

قولوا معايا أحبك ربى

لو أصبت من الله

لو أخطأت من نفسى

اللهم تب علينا لنتوب

أستغفر الله الذى لا اله الا هو الحى القيوم وأتوب إليه

أستغفر الله الذى لا اله الا هو الحى القيوم وأتوب إليه

أستغفر الله الذى لا اله الا هو الحى القيوم وأتوب إليه

سبحانك اللهم وبحمدك أشهد أن لا إله إلا انت أستغفرك وأتوب إليك



مما قرأت وأعجبنى على الفيس بوك
Advertisements

2 thoughts on “ممكن تقفلوا ^ـ^البابــــ

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s